Vellíðan. Vellíðan. Mmmmm..... var í baði og líður svo vel. Nema í fingrinum og fætinum. Ég fer ekki í körfubolta við Eilíf og Einar á næstunni (enda mundi það ekki meika sens, jólafrí og svona). Er allur lemstraður eftir World Class. Það verður einstaklega notalegt að sofna í kvöld. En svona róleghetaskapi fylgja gallar. Ég er til að mynda með ólíkindum andlaus og á erfitt með að koma heilli hugsun hérna niður. Ég gæti svosem farið að bulla en veit ekki hvernig það gengi. En látum reyna á það:

Af hverju eru grjón í grjónagraut?
Ég tel að upphaflega hafi bara verið grautur. Fólk át graut og kvartaði ekki, það þekkti ekkert annað. Svo varð þetta sama fólk leitt á nafninu 'grautur' og ákvað að hressa upp á það, fór að tala um grjónagraut því það hafði jú svo skemmtilega hrynjandi. Það var svo fyrir mistök að einhver raunverulega setti grjón í grautinn og gerbreytti merkingunni, eða öllu heldur, gaf þessari samhengislausu orðasamsetningu merkingu. Þetta hrinti aftur á móti af stað nýbylgju sem einkum einkenndist af ávöxtum í grautum; eplagrautur, sveskjugrautur o.s.frv. Fólk fór að kaupa grauta út af nafninu, ekki bragði eða innihaldi og það var ekki fyrr en þónokkuð seinna, þegar tískubylgjan var að mestu liðin hjá sem slík, að grautar voru keyptir bragðsins vegna.
En nú er ég orðinn svangur og ætla að fá mér eitthvað að borða. Þið megið giska ég ætla að fá mér.

tack tack

--Drekafluga hinn andlausi--