Ríkidæmi fátæktarinnar

Ég þarf að eyða. Til að byrja með mun ég glaður kaupa tvö svona stykki á því sem hlýtur að teljast sanngjörnu verði. En svo langar mig að uppfæra bílkost minn. Mig langar líka að kaupa örgjörva, móðurborð, skjákort, vinnsluminni og fleira til. Þetta kostar peninga sem ég á ekki til og mér finnst það miður. Svo erum við Gunnþóra að hugsa um að skjótast til útlanda einhvern tíman á næstunni og það bíða okkar ýmsar endurbætur hérna á heimilinu og flestar þeirra þarf að reikna með inn í fjárhagsáætlun. Það kostar ekkert að láta sig dreyma (og akkúrat þarna kemur titillinn inn í færsluna) en mig bara langar svo að framkvæma. Ég hef því komist að niðurstöðu.

Til að geta verið framkvæmdaglaður, átt þann bíl sem mig langar í (hmm...), uppfært tölvuna að vild, breytt og bætt í kring um mig og farið til útlanda án þess að hafa mikið fyrir því þá þarf ég að fá vel borgað. Til að fá vel borgað þarf ég betri menntun. Og mér þætti skemmtilegra að njóta þess sem ég læri og svo vonandi vinn við. Planið liggur því að grafískri hönnum í Listaháskólanum og svo er ég að hugsa um Margmiðlunarskólann eftir það. Síðan má sjá til með frekara nám, þá líklega grafíknám utanlands. Fyrsta skrefið er allavega að komast inn í Grafíska hönnun. Um síðustu helgi fór ég á kynningu hjá LHÍ til að rifja þetta allt saman upp aftur og þó ég eigi alls ekki að láta svona út úr mér þá held ég að ég eigi ágæta möguleika á að ná inn.

Æ andskotinn, ég man ekkert hvað ég ætlaði að segja meira. Cheers.

tack tack

Hlustandi á Beezelboss með Tenacious D

--Drekafluga. Jack Black is a demigod--