Okay,

Is One Vision by Queen the single bestest and awesomest song in existence? Discuss. Anyway, it has now been stated, here at the centre of the universe, that it indeed is so your opinion matters little, really.

tack tack

--Drekafluga ennþá með gæsahúð--

Efnishneigð

Mig langar í bíl. Mig langar í perlusvartan gljáandi bíl með shiny felgum. Mig langar í íbúð. Fallega og bjarta íbúð þar sem við Gunnþóra getum inréttað, eldað, slakað á og látið eins og við viljum. Ég er þegar farinn að safna í hnífaparasett. Ég hef gaman af því að ganga á milli Duka, Villeroy &Boch og Tékk kristals. Ég skoða fasteignir í blöðum og á netinu. Mig langar í margt margt fleira og mig dreymir um mánaðarlaun gerpisins í Actavis svo ég geti látið eitthvað af því verða að veruleika. En svo hefur fasteignaverð aldrei verið hærra á Íslandi og ég er við það að eyða öllum peningum sem ég á í ferðalög. Stemmning. Annars bara hlakka ég til að Gunnþóra komi heim af kvöldvaktinni svo ég sofi vel. Hún er best. Gleðilega helgi. Ég á aðallega eftir að sofa og vera bíllaus yfir helgina. Já. Vinstra afturhjólið festist og hvar annars staðar en á stærstu gatnamótum á Íslandi. Hann stóð þar svo í tvær nætur en er núna hjá bílalækni. Andvarp. Ég ætla að halda áfram að láta mig dreyma. Nýtt plan fyrir ferðalagið má finna hérna.

Lag dagsins er Right Where It Belongs með Nine Inch Nails (takk Isis fyrir að minna mig á það).

tack tack

--Drekafluga--

iBeTrippin



Jæja, þetta er gróf hugmynd að ferðalagi okkar Gunnþóru. Frá London til Brasilíu og þaðan norður úr með hitanum, enda svo í Montréal, eiga tvo, þrjá daga í London aftur og svo heim. Það sem verður á milli verður ekki nákvæmlega eins og á myndinni en þó eitthvað svipað og ég er bara nokkuð hress með það. Langaði bara að deila þessu.

tack tack

--Drekafluga rejsemand--

Jæja jæja þá

Föstudagurinn 13. Spúkíspúkí. Ég hef lengi ætlað að skrifa en hef aldrei vitað um hvað Ég veit það reyndar ekki ennþá en ég segi bara fokk það og held ótrauður áfram. Í morgun var mannhæðarhár skafl ofan á bílnum mínum. Í stað bílsins var þriggja metra há snjóhrúga, nokkurn veginn svona í laginu og fór ört stækkandi. Eftir að hafa fórnað hendinni í að dusta aðeins frá falsinu á dyrunum opnaði ég farþegamegin til að losna við að sitja í snjósæti. Gladdist yfir því að ég væri í réttum bíl, teygði mig yfir, setti í hlutlausan, lykilinn í og bílinn í gang, blásturinn á fullt, hitann í afturrúðuna, náði í sköfuna og háði svo stórfenglega orustu við snjóinn, öskur og allt. Spólaði síðan upp af bílastæðinu, fór upp Stóragerði, út Smáagerði og niður Háaleitisbraut. Þar var ég á eftir bíl sem virtist vera á ískappakstursdekkjum því honum tókst að stöðva svo snögglega á punktinum að það mætti teljast heilsuspillandi. Ég dró djúpt andann, lyfti hægri fæti, setti upp skelfingarsvip og negldi niður æpandi viðeigandi fúkyrði [lesist: S j i i i i i i i i i i t t!]. Það voru góðir 15 - 20 metrar í bílinn, ég fór ekki hratt og ég hefði beygt fram hjá honum ef ekki hefði verið fyrir þriðja bílinn sem fylgdi við hlið mér nánast alla bremsuvegalengdina. Svo stöðvaðist ég óþægilega, en samt ekki of harkalega aftan á bílnum vel skóaða. Ég bakkaði metra og stökk út. Karlinn í bílnum fór líka út og við rýndum álkulegir á fram- og afturstuðara. Hann: "Slapp þetta ekki?" Ég: "Jú ég held það." Hann: "Ok." Það sást skráma á hvorugum bíl. Svo hristum við okkur og fórum inn í bíl. Ég sagði honum svo að hundskast yfir í sinn bíl svo við kæmumst eitthvað áfram. 10 mínútum seinna var ég kominn í vinnuna þar sem hápunktur dagsins var tilurð ferskeytlu. Svo fór ég heim og sneyddi fram hjá helstu umferðartöfum eftir að hafa eytt korteri að komast upp að Suðurlandsbraut. Svo henti ég kókflösku út í skafl til kælingar, skrifaði þessa færslu og nú er ég að fara að spila The Chronicles of Riddick en það er einmitt leikur vikunnar hjá, ja, mér. Hú ha! Ekki var þetta mikið mál.

tack tack

--Drekafluga shiny eyes--