Ekkert ógeðslegt öfuguggalið hingað takk! ...?

Ég hefði kannski ekki átt að gera þetta en ég gerði það samt. Hér er bréf sem ég sendi til burtrekna klámfólksins.

Dear sirs and madams

I can hardly begin to describe how ashamed I am of my fellow countrymen regarding your now cancelled trip to my overly proud country. I can only offer my humble apologies as an Icelander and hope that you will have a great time wherever you decide to go instead. Uber feminists, poorly informed politicians and people who should just know better have declared this a victory for human rights and although I can see their point, I think it is your right to go to whichever country you please to have a good time.

Looking at some of the pictures from your trip last year it can be deducted that shooting similar pictures here in Iceland would get you lawfully arrested. I think that is the only purely logical point your opposers here can cling to. Other than that, Icelandic authorities should have no business preventing anyone with a clean criminal record to come and enjoy what our country has to offer.

Respectfully,

A sad Icelander

Ég er fullviss um að miklu meiri perrar og öfuguggar hafi lagt leið sína hingað bæði for- og eftirmálalaust en af því þetta barst í fréttir tók mannréttindalandið Ísland sig til og sýndi heiminum hversu hrein og falleg þjóð við erum. Frekar mundum við drekkja okkur í einhverju virkjunarlóni en að vita af svona fólki að ferðast til landsins truflunarlaust.

Það sem fer mest í mig er hvað það er veikur grundvöllur fyrir þessu öllu. Þetta var að því er virtist nokkuð hefðbundin skemmtiferð erlends hóps til Íslands; Bláa lónið, Gullfoss, Geysir, vélsleðaferð og næturlífið í Reykjavík. Ekkert bendir til annars en að þau klámfyrirtæki sem að þessu koma séu fullkomlega lögleg, hvert í sínu landi og þeir sem bendluðu þessa aðila við barnaklám og þrælahald mega leggja fram gögn máli sínu til stuðnings. Miðað við þrönga dagsrá hópsins má líka telja afar ólíklegt að klám kæmi við sögu í dvöl þeirra hér á landi. Stórkostlegur sigur borgarstjórn, Alþingi og allir hinir. Við sýndum heiminum að það skal sko enginn koma hingað nema vera virkur kirkjukórsmeðlimur, sjálfboðaliði hjá Rauða krossinum eða amish. Jibbí.

tack tack

--Drekafluga, farinn--

Ok, hvaðan er þessi?

-What's wrong with him?
-Well, a man's body may grow old, but inside his spirit can still be as young and
as restless as ever. And him, in his day, he had more spirit than twenty men.

tack tack

--Drekafluga, annað að gera--

Hvar kaupir maður annars göngustaf?

Hver hefði trúað því að það væri ekki einn einasti göngustafur í Góða hirðinum? Ekki ég. Ég fór þangað inn í góðri trú, haltrandi með gamla æfingaprikið mitt úr skylmingunum og kom ekki út með annað en þreytu í lófanum. Prikið var ekki hannað sem göngustafur. Ég geng líka með "stafinn" minn sömu megin og mér er illt, eins og Dr. House. Af því ég er kúl. Vinstra hnéð á mér er semsagt ekki alveg í lagi og ég get ekki rétt algjörlega úr fætinum. Það sem olli þessu voru tvö spjót á ógnarhraða og nokkur sverð, þó ekki allt á sama tíma en allt á sömu æfingu. Þetta var ekki svo slæmt í gær en ég vaknaði við sársaukann í nótt og það var slæmt. En ég er búinn að kaupa mér hnjáhlífar svo svona slysum ætti að fækka. En hvar kaupir maður samt göngustaf?

tack tack

--hölt Drekafluga--

Eitt eldsnöggt

Mér finnst þetta gaman og hef ekki tíma til að skrifa svo hvaðan er eftirfarandi tilvitnun?

-Are you classified as a human?
-Negative, I am a meat popsicle.

tack tack

--Drekafluga, farinn að blóta Þorra. Fucking Þorri maður. . .--

Best

Í sjónvarpi:
Heroes á Skjá einum. Í Bandaríkjunum eru komnir út 11 þættir af þessari mögnuðu snilld en sá næsti kemur 22. janúar. Afar margir af vinum og kunningjum mínum geta ekki beðið eftir þeim þætti. Ég fæ sömu tilfinningu við að horfa á þetta og þegar ég sá fyrstu seríu af Lost á meðan Lost var ennþá snilld og átti möguleiga á að enda sómasamlega. Heroes má hins vegar aldrei enda (jú, ég bara segi svona). Ég gæti horft á þetta í mörg ár. Næstbest er svo House, líka á Skjá einum. Prison Break á Stöð 2 eru góðir þættir, jafnvel þótt hugmyndin um seríu 2 hafi hljómað illa í upphafi. Fleiri þætti má nefna, t.d. Boston Legal, Derren Brown: Trick of the Mind o.fl.

Í útvarpi:
Hef ekki hugmynd. Ég er svo gott sem hættur að hlusta á útvarp og þegar ég geri það þá hlusta ég á BBC World. Ég tilnefni því Newshour á BBC World.

Í blöðum:
Pondus. Fréttablaðið..

Í leikjum:
WoW - World of Warcraft. Ég forðaðist að fá mér þennan leik sjálfur af hættu við að verða heltakinn af honum en ástin mín hún Gunnþóra tók af mér ráðin og gaf mér hann í jólagjöf. Hann stendur fyllilega undir nafni; WOW. Ignition, pínulítill bílaleikur frá 1997 kemur næst á eftir og snilldin Mount & Blade þar á eftir.

Í græjunum:
Forgotten Lores - Frá Heimsenda. Þetta er ekkert smá fáranlega öfgagóð plata. Í alvöru. Snilld, snilld, snilld. Þess má geta að lög af henni óma um stofuna á meðan þessi póstur er skrifaður. Ef þetta var ekki plata ársins 2006 þá langar mig að heyra hver hún er.

í niðurhali:
Persónulega, þetta: Afro Samurai, Ergo Proxy, Karas, The Very Best of Ladysmith Black Mambazo, Wolfmother, Foster's Home for Imaginary Friends o.fl. Þess má geta að mig langar alls ekki að downloada neinu eins og Ladysmith Black Mambazo heldur kaupa diskinn og þannig styðja við viðkomandi listamann en það er ekki alltaf hlaupið að því.

---

Gleðilegt ár, svo ég segi það nú. Ég vona að þið hafið fitnað hóflega yfir jólin, haft það gott og sprengt óhóflega yfir áramótin. Í lokin er svo smá spurning fyrir þá sem hafa gaman af svona löguðu. Þessi er í auðveldari kantinum.

-What's he like?
-God? Lonely. But funny. He's got a great sense of humour. Take sex for example.
There's nothing funnier than the ridiculous faces you people make mid-coitus.
-Sex is a joke in heaven?
-The way I understand it, it's mostly a joke down here, too.

tack tack

--Drekafluga, a Tauren hunter named Chiru--