Síðan 21. október 2002

Í gær héldum við Gunnþóra upp á fimm ára afmæli okkar saman. Það eru reyndar þessir 10 - 11 mánuðir sem hún var úti í Brasilíu og ég hér heima en við teljum það ekki með. Það er bara of leiðinlegt reikningsdæmi að draga það frá og fá út nýja dagsetningu og nýjan tíma. Svo fimm ár. Það er skemmtileg tilviljun en mamma og pabbi hittu hvort annað þegar þau voru 17 og 19 ára gömul, alveg eins og við Gunnþóra. Við erum svakalega fullorðin. Til að halda upp á þetta átum við indverskan í sparifötunum og við kertaljós. Það er að segja, við vorum í sparifötunum og átum mat eldaðan á indverska vísu. Það lá ekki spariklæddur indverji undir hnífapörum okkar. Það varð eiginlega eins og á jólunum. Gunnþóra er fallegasta stelpa í heimi og ég trúi vart upp á hvern einasta dag hversu heppinn ég er. Og hananú. Það má hver sem er vita það.

tack tack

--hamingjusöm Drekafluga--

Með orðum Marvin: "Ouch, ouch... ouch"

Ég er veikur og með höfuðverk og nenni heldur ekki að skrifa eitthvað tilgangslaust hérna. Ég ætla bara að láta Lev um þetta:





tack tack

--þyrst Drekafluga--

Snilld, snilld, snilld

Ég fæ ekki nóg af þessari síðu

The 8 Least Threatening Comic Book Villains by Cracked.com

tack tack

--Drekafluga hefur mikið að gera--

Le Hrouws

Ég vildi taka smá tíma í að hrósa Símanum en ég veit ekki hvernig ég á að orða það svo færslan verði skemmtileg. Hlykkjóttur stígur það. Þannig er mál með vexti að ég er kominn með heimasíma. Í umslaginu með fyrsta símreikningnum fylgdi síðan snepill, hannaður með allt of mikilli gleði þar sem á stóð að út september væri ekker stofngjald á nýjum númerum hjá Símanum. Númerið okkar var stofnað þann 29. ágúst. Smekklegt að senda svona með fyrstu rukkun. Við höfðum samband við Símann og skýrðum frá þessu og okkur var sagt að þetta færi fyrir nefnd sem ákvæði örlög stofngjaldsins okkar. Hljómaði semsagt ekki svo jákvætt. En viti menn, þetta var svo gott sem samstundis fellt niður í einkabankanum og alúðlegur kvenmaður með þýða rödd staðfesti það svo í símtali tveimur dögum seinna. Þeir þurftu ekki að gera þetta en gerðu það samt og fyrir það er ég þakklátur. Hrós, hrós.

tack tack

--Drekafluga - 468-1211--

Teljarinn hérna til hliðar sýnir nú 50.002 og í tilefni af þessum áfanga set ég upp þetta hræðilega Illustrator fikt. Hver var númer 50.000?

Tékkið líka á þessu. Photoshop í gær:

tack tack

--ofskoðuð Drekafluga--